ايها الحب كم انتا مظلوم جدا معنا

السلام عليكم ورحمه الله وبركاته

اخوانى جميعا قبل ان تقرائو الموضوع لابد ان تعرفو شيئان اولا انا كنت بعيد عن المنتدى لظروف شديدة ودة اول موضوع اعمله من وقت كبير
ثانيا الموضوع دة فكرتو كانت فى رائسى من مدة ودخلت اليوم اربع مرات واخرج تانى لانى بصراحه عايز الموضوع دة يخد اكبر نسبه مشاركه
صدقونى مش شهرة والا شئ لكن بجد الفكرة عجبانى قوى
المهم انا هدخل فى الموضوع علشان مصدعش دمغكو بقا

كلنا عندما ندخل الشات او ندخل المنتدى نجد كلام كتير عن تجارب حب فاشله
او حتا لما بتكلم مع حد لازم تحكو قصه حب فاشله
الحب بقا فى وجه نظر ناس كتير شئ حزين ومؤلم
رغم انه عكس ذالك نهائيا
فكرتى بسيطه وهى كالتالى
اولا لابد ان اللى بيشارك فى الموضوع دة يكون انسان عاشق وبيحب وتكون ليه قصه حب ناجحه
ثانيا يحكى قصته بدون احراج او كدب
ثالثا يشجع الناس على الحب
رابعا يوصف لنا حياته ب الحب وبدونه
خامسا واخيرا يرويها فى نفس الموضوع

وانا هبتدى البدايه
وهقص عليكو قصه حب بسيطه ولكنها عندى اجمل قصه حب
انها قصتى انا وزوجتى لانى عاقد قران وقريبا ان شاء المولى سوف يتم الزفاف

هى قصه احمد وريم

اجمل قصه حب
تلك الانسانه التى جعلت لحياتى هدف جعلت السعادة تغمرنى جعلتنى لااستطيع النوم الا عندما اراها وهى تبتسم لى وتلقى عليا بكلمات الحب البسيطه التى تجعلنى اعيش فوق اجنحه فى السماء العاليه
عندما قبلتها اول مرة كانت المقبله بسيطه لانها اخت صديقه لى فى العمل وعندما رائيتها شعرت انى مشدود لها شعرت ان شئ يشدنى اليها
اشياء كثيرة شدتنى لها اولا انها واقعيه جدا ثانيا انسانه متحمسه محترمه متتدينه
واكتر شئ شدنى لها انها صريحه جدا وعقلها يفوق سنها
اعجبت بها وحولت ان الفت نظرها الى ولكن كل محولاتى فشلت فشل زريع
تكلمت مع اختها قالت لى انها غير اى بنت تعرفها دى اختى
المهم مرت الايام الى ان جاء يوم وجائت الى العمل وكنت بشتغل وبصراحه جات فى بالى بدون ان ادرى
المهم فجائه لقتها بتسلم عليا نظرت الى عينها ف استغربت منى قالتلى فى شئ
قولت ليها انا معجب جدا بيكى ونفسى ارتبط بيكى
تركتنى وجريت من امامى وبصراحه اتحرجت خوفت يكون رفض
لكن عندما تكلمت مع اختها قالت انها لم تكن تعلم انى اريط الارتباط ولكن عندما علمت فهى ترحب بى
وتقدمت لطلب يداها والحمد لله تعالى قوبل طلبى ب الموافقه
وعلمت من بعدها انها كانت معجبه بى من الاول وعشقتها وهى ايضا تعشقنى وتحبنى مووووووووت
وانا كمان بحبها موت
انا بقا حكيت ليكو قصتى بدون خجل او كسوف او كدب
ياريت انتو كمان تحربو بقا الناس اللى ظلمه الحب وبتقول عنه كلام سئ وتحكو قصتكو بكل صراحه
وانا مستنى اشوف ردودكو ويارب الفكرة توصلكو زى ما انا عايز اوصلها ليكو
تحياتى اليكم اخوكم احمد سامى