هل استمر معه ام لا

[السلام عليكم ورحمة الله وبركاته
انا مخطوبة من سنة ونصف وكانت خطوبة تقليدية واتخطبنا واحنا في السنة النهائية من الجامعة والنتيجة انا نجحت واخذت اليسانس اما هو فقد رسب واتفقت مع والدي ان انا سوف اعطي له فرصة تانية واخيرة واتفقنا علي ذالك والمشكلة فخطيبي نفسه حيث كان بعد اسبوعين من الخطوبه بدأت اعرف اشيا غلط كتير بيعمله وقال لي متسبنيش انا ممكن ابطلها بسهولة ووقفت جنبه وفعلا بطل ورجع تاني دخلت اخويا وخطيبي هدده ومن المستحيل اني كنت ادخل اهلي في المشكلة لاسباب كتيرة منها كان ممكن يحدث مشكلة بين اهلي وبين اخويا لانه كان يعلم كل شي عن خطيبي ولكن دخلت اهله هو وكانت المفاجأة انهم كانوا عارفين وقالوا احنا عملنا معاه كل حاجة متوقعة وقالوا ايضا هو عايز يتغير وبيحبك وممكن انتي تغيره لانه بيحبك اما انا اخذته بسياسة ومرة بقسوة ومرة اديته شبكته وغيره وفي كل مرة يقول لي انا هبطل ومتسبنيش وانا احبك وفعلا يبطل ويرجع تاني وارجع ويصعب عليا لاني احبه وطبعا المشكلة دي متفتحش بيت انا مش عارفة اعمل ايه معاه انا عارفه ان هو جواه كويس وصالح وعايز فعلا يتغير بس لما بيرجع تاني مبقدرش استحمل هل لو سبته اكون بظلمه علشان هو بيحبني ولا اكون انا كده بظلم نفسي انا نفسي في حل واقعي